Gofalu am eich Gemwaith
Ynglŷn â'r deunyddiau:
Arian: Rwy'n defnyddio Eco-Arian, sef arian wedi'i ailgylchu100%. Mae eco-arian yn cael ei greu trwy ail-gylchu emwaith sgrap, offer meddygol, ac offer electroneg, ac mae ganddo'r un eiddo yn union ag arian Sterling. Mae Sterling yn 92.5% o arian pur.
Aur: Rwy'n defnyddio Eco Aur 9 carat, sef aur wedi'i ailgylchu (100%)
Pres a Chopr: Rwy'n defnyddio pres a chopr solet.
Aur ‘Gold Filled': Mae ‘gold filled’ yn haenen o aur wedi'i fondio o dan bwysedd i fetel arall, tebyg i eurblat. Mae’r aur o leiaf 5% o gyfanswm pwysau'r metel, ac mae'n llawer mwy gwerthfawr nag eitemau eurblat gan nad yw'r aur yn dod i ffwrdd dros amser. Dwi’n defnyddio aur gold-filled 12k.
Dalen Aur: Mae dalen aur 24k yn 25 gwaith yn fwy trwchus na ffoil aur, a gellir ei thoddi ar ben arian i'w addurno (techneg Keum Boo).
Glanhau'ch gemwaith:
Bydd pob un o'r metelau uchod yn tarneisio dros amser, neu oherwydd lleithder neu ddŵr.
Gallwch brynu polish metel o'r archfarchnad i gadw'ch gemwaith yn lân- er enghraifft Brasso neu Silvo. Mae rhai ryseitiau cartref ar gyfer glanhau pres a gemwaith arian ar gael ar-lein hefyd.
